കൊല്ലം റൂറൽ ഡി.പി.സി ശ്രീ. കെ ബി രവി ഐ പി എസ് സ്ത്രീകൾക്കും കുട്ടികൾക്കുമുള്ള സ്വയം പ്രതിരോധ പരിശീലന പരിപാടിയുടെ ജില്ലാ പ്രദർശനം 04 .04 .2022 ൽ കൊട്ടാരക്കര എൻ.എസ്.സ് ആർട്സ് കോളേജിൽ വച്ച് ഉദ്ഘാടനം ചെയ്തു.

കൊല്ലം റൂറൽ പോലീസിന്റെ ആഭിമുഖ്യത്തിൽ സ്ത്രീകൾക്കും കുട്ടികൾക്കമുള്ള സ്വയം പ്രതിരോധ പരിശീലന പരിപാടി ബഹു.കൊല്ലം റൂറൽ എസ്.പി  കെ.ബി.രവി ഐ.പി.എസ് ഉദ്ഘാടനം ചെയ്തു.സ്വയം പ്രതിരോധ പരിശീലനം വിജയകരമായി പൂർത്തിയാക്കിയ സ്ത്രീകൾക്കും കുട്ടികൾക്കുമുള്ള സർട്ടിഫിക്കറ്റുകളും ജില്ലാ പോലീസ് മേധാവി വിതരണം ചെയ്തു.ക്രൈം ബ്രാഞ്ച് ഡി.വൈ.എസ്.പി യും സ്ത്രീ സുരക്ഷയുടെ ജില്ലാതല നോഡൽ ഓഫിസറുമായ ശ്രീ അശോക് കുമാർ ആർ പ്രസ്തുത പരിപാടിയിൽ അധ്യക്ഷത വഹിച്ചു. കൊല്ലം റൂറൽ ജില്ലയിൽ ഇതുവരെ 28000 ത്തോളം സ്ത്രീകൾക്കും കുട്ടികൾക്കും ഈ പദ്ധതി  വഴി പരിശീലനം നൽകിയിട്ടുണ്ട്.സ്ത്രീകൾക്കും കുട്ടികൾക്കും അക്രമങ്ങളിൽ നിന്നും സ്വയരക്ഷ നൽകുന്ന പരിശീലനമാണ് പദ്ധതിയിലൂടെ ലഭ്യമാക്കിയത്. ഏറ്റവും നൂതനമായ പരിശീലന പാഠങ്ങളാണ് ഈ പദ്ധതിയിലൂടെ നൽകിയത്.

പദ്ധതിയുടെ പ്രധാന സവിശേഷതകൾ ഇവയാണ്:

• സമഗ്രമായ അവബോധത്തിലൂടെയും പ്രായോഗിക പരിശീലന പരിപാടിയിലൂടെയും സ്ത്രീകളെ ശാക്തീകരിക്കുക.
• ഇരയുടെ സ്വഭാവത്തിൽ നിന്ന് മികച്ച സ്വഭാവത്തിലേക്ക് മാറുന്നതിനുള്ള ആത്മവിശ്വാസം വളർത്തുന്നതിനുള്ള ടിപ്പുകൾ.
• സ്ത്രീകൾക്കെതിരായ കുറ്റകൃത്യങ്ങളുടെ നിയമപരമായ വശങ്ങളെക്കുറിച്ചുള്ള അവബോധം
• സ്ത്രീകളുടെ സുരക്ഷ ഉറപ്പുവരുത്തുന്നതിനുള്ള പോലീസ് സൗകര്യങ്ങളെക്കുറിച്ച് അവബോധം
• ബാഗ് സ്നാച്ചിംഗ്, ചെയിൻ സ്നാച്ചിംഗ്, ലൈംഗിക ആക്രമണങ്ങൾ, ഈവ് ടീസിംഗ്, ബസ് / മെട്രോ ഭീഷണികൾ, ലിഫ്റ്റ് ആക്രമണം, എടിഎം ആക്രമണം, ഗാർഹിക പീഡനം തുടങ്ങിയ വിവിധ ഭീഷണികളെ നേരിടാനുള്ള ലളിതമായ പ്രതിരോധ തന്ത്രങ്ങൾ.
• ആക്രമണങ്ങളുടെയും ആക്രമണകാരികളുടെയും സ്വഭാവം, അപകടകരമായ ഒരു സാഹചര്യത്തെ എങ്ങനെ നേരിടാം എന്നിവയെ  പറ്റിയുള്ള അവബോധം
• സ്ത്രീ ശാക്തീകരണത്തിന്റെ വശങ്ങളെക്കുറിച്ചുള്ള അവബോധം.