പിങ്ക് പോലീസ് പട്രോളിങ്

    പൊതുസ്ഥലങ്ങളിൽ സ്ത്രീകളുടെയും കുട്ടികളുടെയും സുരക്ഷ വർധിപ്പിക്കാൻ കൊല്ലം റൂറൽ പൊലീസ് പിങ്ക് ബീറ്റ് പട്രോളിങ് ഏർപ്പെടുത്തിയിട്ടുണ്ട്. പ്രത്യേക പരിശീലനം ലഭിച്ച വനിതാ പോലീസുകാരാണ് പിങ്ക് ബീറ്റിൽ ഉൾപ്പെടുന്നത്. ഈ പോലീസ് ഉദ്യോഗസ്ഥർ കെ.എസ്.ആർ.ടി.സി യിലും പ്രൈവറ്റ് സ്റ്റാന്റുകളിലും  പട്രോളിംഗ് നടത്തും, കൂടാതെ ബസ് സ്റ്റോപ്പുകൾ, സ്കൂളുകൾ, കോളേജുകൾ, മറ്റ് പൊതുസ്ഥലങ്ങൾ എന്നിവിടങ്ങളിലും  സന്നിഹിതരായിരിക്കും. ബസുകളിൽ യാത്ര ചെയ്യുന്ന സ്ത്രീകളെയും കുട്ടികളെയും മുതിർന്ന പൗരന്മാരെയും സഹായിക്കും. ജില്ലാ പോലീസ് മേധാവിയുടെ മേൽനോട്ടത്തിലായിരിക്കും പിങ്ക് പട്രോൾ സംഘം പ്രവർത്തിക്കുക

പിങ്ക്  പോലീസ് ഉദ്യോഗസ്ഥരുടെ ഡ്യൂട്ടി

• സ്ത്രീകൾക്കും ശാരീരിക വൈകല്യമുള്ളവർക്കും കെഎസ്ആർടിസിയിലോ സ്വകാര്യ ബസുകളിലോ സംവരണം ചെയ്ത സീറ്റുകൾ പൊതുജനങ്ങൾ ദുരുപയോഗം ചെയ്യുന്നില്ലെന്ന് ഉറപ്പാക്കുക
• പൂവാല ശല്യങ്ങളും പീഡന ഭീഷണികളും ഉണ്ടാവാൻ സാധ്യതയുള്ള സ്ഥലങ്ങളിൽ പട്രോളിംഗ് നടത്തുന്നു
• ശാരീരിക വൈകല്യമുള്ള കുട്ടികളെയും യാത്രക്കാരെയും അവരുടെ ലക്ഷ്യസ്ഥാനത്ത് എത്താൻ സഹായിക്കുക.

   പട്രോളിംഗ്  വാഹനത്തിൽ  ജിപിഎസ് ട്രാക്കിംഗ് ഉപകരണങ്ങളും വാഹനങ്ങളുടെ മുൻവശത്തും പിൻവശത്തും ക്യാമറകളും സജ്ജീകരിച്ചിട്ടുണ്ട്. ഈ ക്യാമറകൾ തുടർച്ചയായ ദൃശ്യങ്ങൾ കൺട്രോൾ റൂമിലേക്ക് അയയ്ക്കുന്നു. കൺട്രോൾ റൂമിൽ നിന്നുള്ള ഒരു ഉദ്യോഗസ്ഥന് ഈ ദൃശ്യങ്ങൾ തത്സമയം പരിശോധിക്കാനും ആവശ്യമുള്ളപ്പോഴെല്ലാം  അധിക സേനയെ വിന്യസിക്കാനും കഴിയും. ഈ പട്രോളിംഗ് വാഹനങ്ങൾ ഒരു വനിതാ പോലീസ് ഓഫീസറുടെ നേതൃത്വത്തിലായിരിക്കും , കൂടാതെ മറ്റ് രണ്ട് വനിതാ പോലീസ് ഉദ്യോഗസ്ഥരും ഉണ്ടായിരിക്കും. സ്ത്രീകളുടെ സാന്നിധ്യം കൂടുതലുള്ള സ്ഥലങ്ങളിൽ പട്രോളിംഗ് നടത്തും. രാവിലെ 8 മുതൽ രാത്രി 8 വരെ പ്രവർത്തിക്കും.

ഈ ഉദ്യോഗസ്ഥർ തിരക്കേറിയ ബസുകളുടെ ഉള്ളിൽ  നിരീക്ഷിക്കുക മാത്രമല്ല, ബസ് സ്റ്റോപ്പുകൾ, സ്കൂളുകൾ, മറ്റ് പ്രധാന ലക്ഷ്യസ്ഥാനങ്ങൾ എന്നിവിടങ്ങളിൽ സാമൂഹിക വിരുദ്ധ പ്രവർത്തനങ്ങൾ നിരീക്ഷിക്കുകയും ചെയ്യുന്നു..